21:18 Савет Еўропы будзе пільна сачыць за 25 сакавіка
Парламенцкая асамблея Савета Еўропы будзе пільна сачыць за падзеямі ў Беларусі 25 сакавіка.
Аб гэтым заявіў кіраўнік асамблеі Рэнэ ван дэр Ліндэн, выступаючы 16 сакавіка на пасяджэнні Пастаяннага камітэта ПАСЕ у Парыжы.
Ван дэр Ліндэн выступіў з рэзкім асуджэннем нядаўніх арыштаў лідэра Партыі БНФ Вінцука Вячоркі і грамадскага актывіста Вячаслава Сіўчыка.
Кіраўнік ПАСЕ падкрэсліў, што гэтыя арышты "тым больш недапушчальныя" пасля таго, як у студзені 2007 года падчас яго візіту ў Мінск беларускія ўлады заяўлялі "аб сваім жаданні заняць больш канструктыўную пазіцыю ў адносінах з Еўропай і палепшыць палітычны клімат у краіне".
“Гэта крок назад, небяспечны для перагляду сённяшніх адносінаў паміж Беларуссю і ПАСЕ,” - падкрэсліў Рэне ван дэр Ліндэн.
Кіраўнік ПАСЕ заклікаў беларускія ўлады зрабіць "пэўныя крокі для поўнай павагі дэмакратыі і правоў чалавека". Ён таксама зазначыў, што мае намер абмеркаваць гэтую праблему непасрэдна са спікерам Палаты прадстаўнікоў Беларусі.
Аб гэтым заявіў кіраўнік асамблеі Рэнэ ван дэр Ліндэн, выступаючы 16 сакавіка на пасяджэнні Пастаяннага камітэта ПАСЕ у Парыжы.
Ван дэр Ліндэн выступіў з рэзкім асуджэннем нядаўніх арыштаў лідэра Партыі БНФ Вінцука Вячоркі і грамадскага актывіста Вячаслава Сіўчыка.
Кіраўнік ПАСЕ падкрэсліў, што гэтыя арышты "тым больш недапушчальныя" пасля таго, як у студзені 2007 года падчас яго візіту ў Мінск беларускія ўлады заяўлялі "аб сваім жаданні заняць больш канструктыўную пазіцыю ў адносінах з Еўропай і палепшыць палітычны клімат у краіне".
“Гэта крок назад, небяспечны для перагляду сённяшніх адносінаў паміж Беларуссю і ПАСЕ,” - падкрэсліў Рэне ван дэр Ліндэн.
Кіраўнік ПАСЕ заклікаў беларускія ўлады зрабіць "пэўныя крокі для поўнай павагі дэмакратыі і правоў чалавека". Ён таксама зазначыў, што мае намер абмеркаваць гэтую праблему непасрэдна са спікерам Палаты прадстаўнікоў Беларусі.
