21:51 Расія хоча развіваць супрацоўніцтва з Еўрасаюзам

Расія набліжаецца да Еўрасаюзу. У сваім лісце да канцлеркі Нямеччыны Ангелы Меркель з нагоды 50-годдя падпісання Рымскага трактату прэзідэнт Расіі Уладзімір Пуцін выказаў жаданне развіваць супрацоўніцтва паміж Еўрасаюзам і Расіяй.

Ён заявіў: "У культурным і духоўным сэнсе Расія ёсць неад'емнай часткай еўрапейскай цывілізацыі, але па відавочных прычынах яна не імкнецца далучацца да эўрасаюзаўскіх структураў".

Тым ня менш, Уладзімір Пуцін падкрэсліў, што супрацоўніцтва з Еўропай — прынцыповы выбар Расіі.