22 снежня ў Беларусі чакаюць туман і галалёдзіцу
У чацвер, 22 снежня, у Беларусі прагназуюцца туман і галалёдзіца. Пра гэта інфармагенцтву БЕЛТА распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Сіноптыкі прагназуюць воблачнае з праясненнямі надвор'е, без істотных ападкаў. Уначы і зранку ў асобных раёнах будзе туман, слабы галалёд. На асобных участках дарог чакаецца галалёдзіца. Па прагнозах сіноптыкаў, вецер будзе паўднёва-заходнім 4-9 метраў за секунду.
Уначы тэмпература паветра чакаецца ад 5 градусаў марозу да 1 градуса цяпла. Удзень сіноптыкі абяцаюць -3...+2 градусы.
