7 верасня ў Беларусі прагназуюць начныя замаразкі, удзень будзе да +20
У сераду, 7 верасня, у Беларусі чакаецца пераменная воблачнасць, паведамляе Белгідрамет.
Будзе пераважна без ападкаў, толькі зранку і ўдзень па поўначы краіны пройдуць невялікія кароткачасовыя дажджы. Вецер прагназуецца заходні, паўночна-заходні слабы да ўмеранага.
Уначы тэрмометры пакажуць 1-7 цяпла, месцамі па Беларусі чакаюцца замаразкі ад 0 да -2. Удзень паветра прагрэецца да +12...+18°С, па поўдні краіны чакаецца 20 градусаў вышэй за нуль.
