Ахвярамі чыгуначнай катастрофы ў Іспаніі сталі ўжо 77 чалавек (відэа)

Такія лічбы называе РІА "Новости" са спасылкай на агенцтва Франс Прэс.

Раней называлася лічба ў 60 ахвяраў.

Нагадаем, што пасажырскі цягнік сышоў з рэек недалёка ад чыгуначнай станцыі горада Сант'яга-дэ-Кампастэла. Перакуліліся ўсе 13 вагонаў, перадапошні быў разбураны цалкам.

Агулам у цягніку былі 218 пасажыраў, не лічачы машыністаў і абслуговы персанал.

Па словах прадстаўніка іспанскага суда, некаторыя вагоны цягніка дагэтуль не абследаваныя.

Папярэдняй прычынай катастрофы называюць вялікую хуткасць, набраную цягніком. Паводле неафіцыйных звестак, замест 80 км/гадз. цягнік набраў хуткасць у 220 км/гадз.

Фота —  PAP/EPA
 

Глядзіце таксама запіс моманту катастрофы - Відэа моманту крушэння цягніка ў Іспаніі (відэа)