Аляксандр Глеб у складзе “Барселоны” стаў чэмпіёнам Іспаніі

Каталонская "Барселона", за якую выступае беларускі паўабаронца Аляксандр Глеб, датэрмінова стала чэмпіёнам Іспаніі.
Бліжэйшы сапернік па турнірнай табліцы “Рэал” Мадрыд прайграў у гасцях “Вільярэалу” 2:3 і згубіў усе шанцы дагнаць “Барсу”.

Гэта другі трафей, які Глеб заваяваў разам з “Барселонай”. На гэтым тыдні каталонцы выйгралі Кубак Іспаніі. А неўзабаве адбудзецца фінал Лігі чэмпіёнаў.