Аляксандр Лукашэнка выказаў спачуванні сваякам Рыгора Барадуліна
Кіраўнік Беларусі выказаў спачуванні родным Народнага паэта Беларусі Рыгора Барадуліна ў сувязі з яго смерцю.
Пра гэта інфармуе БЕЛТА са спасылкай на прэс-службу кіраўніка дзяржавы.
"Творчасць Рыгора Барадуліна займае асаблівае месца ў айчыннай культуры. У яго вершах і паэмах знайшлі сваё адлюстраванне багаты духоўны свет народа і агульначалавечыя філасофскія і маральныя пытанні. Нездарма яны прыцягваюць увагу чытачоў розных пакаленняў", — гаворыцца ў спачуванні.
"Упэўнены, што памяць пра Рыгора Барадуліна як пра аднаго з вядомых майстроў слова захаваецца ў сэрцах аматараў беларускай літаратуры", — адзначыў Лукашэнка.
Нагадаем, што Рыгор Барадулін памёр 2 сакавіка на 80-м годзе жыцця. Сёння адбываецца яго пахаванне.
Фота — news.21.by
