Амерыканская паліцыя арыштавала беларускага хакеіста проста падчас матча
Ягор Раманаў / unionleader
Падчас нядзельнага матча ў лізе NAHL (другая па сіле юніёрская ліга ЗША) паліцыя арыштавала беларускага абаронца клуба New Hampshire Mountain Kings Ягора Раманава. Гэта адбылося падчас перапынку ў гульні.
Як піша belarushockey.com, арышт правяла паліцыя Джонстаўна. Ён звязаны з непагашаным ордарам на арышт у Нью-Кенсінгтане, выдадзеным два гады таму.
Ордар выдалі, калі 20-гадовы ўраджэнец Беларусі выступаў за пітсбургскі клуб "Эсмарк Старз". Тады Раманава абвінавацілі ў нападзе на аўтамабіль пры абцяжваючых абставінах.
У гэтым сезоне наш суайчыннік правёў чатыры гульні ў NAHL, дзе атрымаў 2 хвіліны штрафу.
