Аптэкі гатовы да ўздыму захворвання на ВРВІ і грып

Аптэкі гатовы да ўздыму захворвання на ВРВІ і грып, заявіў журналістам генеральны дырэктар РУП "Белфармацыя" Ігар Кавальчук. Па яго словах, створаны незніжальныя запасы лекавых сродкаў, перш за ўсё лекаў айчыннай вытворчасці, якіх летась было недастаткова. У гэтым эпідэмічным сезоне на фармацэўтычных прадпрыемствах у дастатковай колькасці маюцца субстанцыі для вытворчасці лекаў, распавёў Кавальчук.

Паводле яго слоў, уздым захворвання чакаецца, паводле папярэдніх прагнозаў, у лютым—сакавіку наступнага года, паведамляе БелаПАН.