Авіякампанія Air China аднаўляе палёты ў Беларусь
Авіякампанія Air China з 1 ліпеня аднаўляе палёты ў Беларусь. Пра гэта паведамляе прэс-служба Нацыянальнага аэрапорта Мінск.
Рэйсы будуць выконвацца ў пятніцы на самалёце Airbus A-330. Прыбыццё у Нацыянальны аэрапорт Мінск у 17:25, вылет у КНР — у 19:35.
Air China спыніла палёты ў Беларусь у пачатку вясны (прычына такога рашэння не агучвалася). Апошні рэйс быў выкананы 25 сакавіка. Шлях з КНР у Беларусь і наадварот займаў больш за 8 гадзін.
