Беларусь пакуль не плануе вяртацца да пераходу на зімовы час

Як паведамляюць "Мінск-Навіны" са спасылкай на прэс-службу Дзяржаўнага камітэта па стандартызацыі, у нашай краіне гэтае пытанне пакуль нават не ўздымалася.

У Дзяржстандарце кажуць, што гаварыць пра гэта можна будзе толькі пасля прыняцця адпаведнай пастановы. А тады камітэт забяспечыць усё неабходнае з тэхнічнага пункту гледжання. Аднак з боку грамадзян нездаволенасцей на цяперашні рэжым часу не паступала, адзначае прэс-сакратар Дзяржстандарту Тамара Бардукевіч.

Нагадаем, зімовы час у Расіі быў адменены летам 2011 года з ініцыятывы Дзмітрыя Мядзведзева. Следам за Расіяй ад пераводу стрэлак адмовіліся і ў Беларусі. Тады асноўнай прычынай такога кроку называлі неабходнасць каардынаваць час з дзяржавамі — удзельніцамі Мытнага саюза.

Фота — rg.ru