Беларуская шахматыстка атрымала расійскі пашпарт і ўвойдзе ў зборную РФ
![Вольга Бадзелька](/sites/default/files/styles/gallery_main/public/2024-03/istoriya-shahmatistki-kto-takaya-olga-badelko_1678437006126315158.jpg.webp?itok=ZyxVlJ-O)
Вольга Бадзелька / championat.com
Беларуская шахматыстка Вольга Бадзелька атрымала расійскі пашпарт і ўвойдзе ў зборную РФ, паведамляе ТАСС.
Бадзелька 21 год. Яна з'яўляецца міжнародным майстрам і гросмайстрам, шматразовай чэмпіёнкай Беларусі ў розных узроставых катэгорыях. Яе называлі "секс-сімвалам беларускіх шахмат". Аднак усё змянілася пасля 2020 года.
Восенню 2021-га шахматыстка чамусьці вырашыла жыць у Расіі і выступаць за яе. У сакавіку 2023 года федэрацыя шахмат Расіі паведаміла, што Вольга Бадзелька ўвойдзе ў склад зборнай краіны. Тады спартсменка яшчэ афармляла расійскае грамадзянства, гэты працэс зацягнуўся. У РФ яе называюць "моцнай, перспектыўнай шахматысткай".
"Я беларускую мову абсалютна не ведаю, нават не імкнуся яе вучыць", — гаварыла Бадзелька ў адным з інтэрв'ю.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.