Беларускім спевакам не трэба 75% эфіру
Радыёстанцыі сцвярджаюць, што песні беларускіх выканаўцаў гучаць у прайм-тайм, як і загадала Міністэрства інфармацыі. Аднак Міністэрства незадаволенае. Маніторынг радыёстанцый паказаў: не ўсе яны ставяць беларускую музыку ў прайм-тайм. Еўрарадыё вырашыла даведацца, што стала падставай для
даручэння, якое разаслала Міністэрства інфармацыі па FM-станцыях.
Як расказаў Еўрарадыё музычны рэдактар “Радыё Мінск” Уладзімір Іваноў, з верасня 2008 года на радыё ўведзеныя 3 блокі з 75% беларускай музыкі. Прычым гэта не ўласная ініцыятыва, а загад міністэрства.
Уладзімір Іваноў: “У нас ідзе тры беларускія блокі па тры гадзіны. З 7 да 10 раніцы. З 14 да 17 днём. І з 19 да 22 вечарам. Гэты час быў прадыктаваны імі”.
Такія блокі існуюць і на іншых радыёстанцыях. Гэта якраз і ёсць той самы прайм-тайм, пра які гаворыцца ў даручэнні міністэрства. На беларускіх радыёстанцыях нам сказалі, што не парушаюць раскладу. Праграмны дырэктар радыё “Мір” Андрэй Фармугін назваў самых папулярных беларускіх выканаўцаў на радыё, на яго погляд.
Андрэй Фармугін: “Наўскідачку хай будзе Шаркунова, хай будзе Гюнэш, хто там яшчэ... Хлястоў, J:Морс, Стокс”.
Беларускіх рокераў у ратацыі радыё “Мір” не апынулася. Сярод замежных выканаўцаў папулярная музыка канца 80-х – пачатку 90-х гадоў.
Музычны рэдактар “Радыё Бі-Эй” Дзмітрый прызнаўся, што ў іх былі праблемы з 75% беларускіх выканаўцаў. Станцыі вынеслі папярэджанне, і зараз яна ўжо не трапляецца на гэтым. Ліста ад Міністэрства інфармацыі цяпер яны не атрымлівалі.
Дзмітрый: “Да нас яшчэ такое даручэнне не прыходзіла. Да нас былі папрокі. Але там была чыста тэхнічная памылка. То бок, мы папярэджанне атрымалі, памылку ліквідавалі, і выконваем усё ў адпаведнасці. Таму да нас пытанняў сёлета ўзнікаць дакладна не будзе”.
Прадусар Ані Шаркуновай Уладзімір Кубышкін задаволены тым, як песні спявачкі ратыруюцца на беларускіх радыёстанцыях. Аднак лічыць, што гэта нічога не значыць. Па яго словах, мае значэнне канкурэнцыя. А Аня, лічыць спадар Кубышкін, можа канкураваць нават з расійскімі зоркамі.
Уладзімір Кубышкін: “Калі каротка, то мы задаволеныя. А ўвогуле, я заўсёды быў прыхільнікам рэальнай канкурэнцыі. Мне б хацелася канкураваць з расійскімі зоркамі. Мы проста перыядычна ездзім у Маскву выступаць. І я вам скажу, што Аня там вельмі нядрэнна глядзіцца. А ўвогуле, нават калі шмат у каго песні па радыё круцяцца, гэта яшчэ нічога не значыць”.
Спявачцы Жанэт часта даводзіцца чуць свой голас на беларускіх радыёстанцыях. Але больш усё бязглуздыя песні іншых выканаўцаў. Ёй бы хацелася чуць у эфіры больш сучасных замежных музыкаў, такіх як Энрыке Іглесіас, Джасцін Цімберлэйк, Дайда.
Жанэт: “Часта даводзілася чуць свае песні. Калі праўда, я ў машыне праводжу пэўны час. І чую тую музыку, якая гучыць на радыё. Хацелася б пазычыць, каб яны ўсё ж часцей услухоўваліся ў тое, што ставяць. Таму што, прыслухоўваючыся да тэксту тых твораў, якія сёння гучаць, проста пачынаеш здзіўляцца, адкуль увогуле такія... Я нядаўна ехала. Не чула ўсю песню ад пачатку, але там пастаянна гучаў прыпеў: “ дам, дам, дам я ему по губам”. Я не магла!”
Ірына Дарафеева, якую нам ні разу не назвалі сярод фаварытаў на радыёстанцыях, як ні дзіўна, таксама лічыць, што колькасць песень у эфіры не ўплывае на колькасць наведвальнікаў канцэртаў.
Ірына Дарафеева: “Для мяне гэта не важна, скажу праўду. Гэта ніяк не адбіваецца на пакупніцкай здольнасці гледачоў, якія прыходзяць на канцэрты мае. А ў нас, дзякуй богу, заўсёды аншлагі”.
Як бачым, выканаўцам не важна, як часта іх песні круцяць на беларускіх радыёстанцыях. Каму, такім чынам, спрабуе дапамагчы Міністэрства інфармацыі, уводзячы 75% квоту, незразумела.
даручэння, якое разаслала Міністэрства інфармацыі па FM-станцыях.
Як расказаў Еўрарадыё музычны рэдактар “Радыё Мінск” Уладзімір Іваноў, з верасня 2008 года на радыё ўведзеныя 3 блокі з 75% беларускай музыкі. Прычым гэта не ўласная ініцыятыва, а загад міністэрства.
Уладзімір Іваноў: “У нас ідзе тры беларускія блокі па тры гадзіны. З 7 да 10 раніцы. З 14 да 17 днём. І з 19 да 22 вечарам. Гэты час быў прадыктаваны імі”.
Такія блокі існуюць і на іншых радыёстанцыях. Гэта якраз і ёсць той самы прайм-тайм, пра які гаворыцца ў даручэнні міністэрства. На беларускіх радыёстанцыях нам сказалі, што не парушаюць раскладу. Праграмны дырэктар радыё “Мір” Андрэй Фармугін назваў самых папулярных беларускіх выканаўцаў на радыё, на яго погляд.
Андрэй Фармугін: “Наўскідачку хай будзе Шаркунова, хай будзе Гюнэш, хто там яшчэ... Хлястоў, J:Морс, Стокс”.
Беларускіх рокераў у ратацыі радыё “Мір” не апынулася. Сярод замежных выканаўцаў папулярная музыка канца 80-х – пачатку 90-х гадоў.
Музычны рэдактар “Радыё Бі-Эй” Дзмітрый прызнаўся, што ў іх былі праблемы з 75% беларускіх выканаўцаў. Станцыі вынеслі папярэджанне, і зараз яна ўжо не трапляецца на гэтым. Ліста ад Міністэрства інфармацыі цяпер яны не атрымлівалі.
Дзмітрый: “Да нас яшчэ такое даручэнне не прыходзіла. Да нас былі папрокі. Але там была чыста тэхнічная памылка. То бок, мы папярэджанне атрымалі, памылку ліквідавалі, і выконваем усё ў адпаведнасці. Таму да нас пытанняў сёлета ўзнікаць дакладна не будзе”.
Прадусар Ані Шаркуновай Уладзімір Кубышкін задаволены тым, як песні спявачкі ратыруюцца на беларускіх радыёстанцыях. Аднак лічыць, што гэта нічога не значыць. Па яго словах, мае значэнне канкурэнцыя. А Аня, лічыць спадар Кубышкін, можа канкураваць нават з расійскімі зоркамі.
Уладзімір Кубышкін: “Калі каротка, то мы задаволеныя. А ўвогуле, я заўсёды быў прыхільнікам рэальнай канкурэнцыі. Мне б хацелася канкураваць з расійскімі зоркамі. Мы проста перыядычна ездзім у Маскву выступаць. І я вам скажу, што Аня там вельмі нядрэнна глядзіцца. А ўвогуле, нават калі шмат у каго песні па радыё круцяцца, гэта яшчэ нічога не значыць”.
Спявачцы Жанэт часта даводзіцца чуць свой голас на беларускіх радыёстанцыях. Але больш усё бязглуздыя песні іншых выканаўцаў. Ёй бы хацелася чуць у эфіры больш сучасных замежных музыкаў, такіх як Энрыке Іглесіас, Джасцін Цімберлэйк, Дайда.
Жанэт: “Часта даводзілася чуць свае песні. Калі праўда, я ў машыне праводжу пэўны час. І чую тую музыку, якая гучыць на радыё. Хацелася б пазычыць, каб яны ўсё ж часцей услухоўваліся ў тое, што ставяць. Таму што, прыслухоўваючыся да тэксту тых твораў, якія сёння гучаць, проста пачынаеш здзіўляцца, адкуль увогуле такія... Я нядаўна ехала. Не чула ўсю песню ад пачатку, але там пастаянна гучаў прыпеў: “ дам, дам, дам я ему по губам”. Я не магла!”
Ірына Дарафеева, якую нам ні разу не назвалі сярод фаварытаў на радыёстанцыях, як ні дзіўна, таксама лічыць, што колькасць песень у эфіры не ўплывае на колькасць наведвальнікаў канцэртаў.
Ірына Дарафеева: “Для мяне гэта не важна, скажу праўду. Гэта ніяк не адбіваецца на пакупніцкай здольнасці гледачоў, якія прыходзяць на канцэрты мае. А ў нас, дзякуй богу, заўсёды аншлагі”.
Як бачым, выканаўцам не важна, як часта іх песні круцяць на беларускіх радыёстанцыях. Каму, такім чынам, спрабуе дапамагчы Міністэрства інфармацыі, уводзячы 75% квоту, незразумела.
