"Белавія" ўсё ж эвакуіруе беларусаў з Ізраіля
РБ здолела арганізаваць эвакуацыю толькі за месяц / Reuters
"Белавія" усё ж эвакуіруе беларусаў з Ізраіля. Рэйс будзе гуманітарным, але камерцыйным, таму вылецець змогуць толькі грамадзяне РБ і толькі за грошы. Як паведамляе пасольства РБ у Ізраілі, самалёт авіякампаніі адправіцца з Тэль-Авіва 6 лістапада, рэзервовая дата — 9 лістапада. Зарэгістравацца атрымаецца толькі па дзейных праязных дакументах.
Раней беларускі МЗС скардзіўся на санкцыі, праз якія "Белавія" не можа выканаць гуманітарны рэйс, каб вывезці беларусаў з Ізраіля і сектара Газа.
Тэрарысты ХАМАС напалі на Ізраіль 7 кастрычніка. З таго часу ідзе вайна. Атрымліваецца, што РБ здолела арганізаваць эвакуацыю толькі за месяц.
У Ізраілі загінулі трое грамадзян Беларусі і трое выхадцаў з нашай краіны.
