БРСМаўцы Віцебска перадалі дэпутатам 4 тысячы подпісаў супраць рэкламы піва

На разгляд дэпутатаў парламента краіны перадаюцца спiсы з больш чым 4 тысячамi подпiсаў вiцябчан, якiя выказалiся супраць рэкламы пiва па тэлебачаннi. Кiраўнiк УУС Вiцебскага аблвыканкама Леанiд Фармагей папрасiў парламентарыя Людмiлу Арцёменку ўнесцi адпаведную прапанову на разгляд Нацыянальнага сходу аб унясеннi змяненняў у Закон "Аб рэкламе".

Подпiсы збiралiся па ўсiм горадзе ў рамках правядзення Дня цвярозасцi. На плошчы 1000-годдзя гэтым займалiся актывiсты БРСМ.

“Звязда”