Былому падпалкоўніку міліцыі пагражае да 10 гадоў пазбаўлення волі
Пётр Будзько / "Народная воля"
Былому падпалкоўніку міліцыі з Іўя пагражае да 10 гадоў пазбаўлення волі. Супраць Пятра Будзько распачалі крымінальную справу за "перавышэнне ўлады", паведамляе "Позірк".
Будзько больш за 20 гадоў праслужыў у міліцыі, але звольніўся ў 2017 годзе. У 2020 годзе ў родным горадзе ён выходзіў на акцыі пратэсту, дзе патрабаваў ад уладаў узнаўлення законнасці, спынення гвалту і прыцягнення вінаватых да адказнасці. За ўдзел у масавых мерапрыемствах мужчына адсядзеў 32 дні адміністрацыйнага арышту.
Былога сілавіка затрымалі 20 жніўня 2021 года. Падрабязнасці крымінальнай справы не паведамляюцца. Вядома, што дома і на лецішча ў яго правялі ператрусы і канфіскавалі тэхніку.
