Да +35°С: спякота пакуль нікуды не сыходзіць
![Лета](/sites/default/files/styles/gallery_main/public/2024-06/brooke-lark-8beth4vkhli-unsplash.jpg.webp?itok=Q52vmAaC)
Лета / unsplash
Наступны тыдзень пачнецца гарачымі тэмпературамі — усё дзякуючы паветранай масе трапічнага паходжання, кажуць у Гідраметцэнтры.
У панядзелак, 19 жніўня, раніцай і днём на большай частцы тэрыторыі краіны пройдуць кароткачасовыя дажджы. Магчымыя навальніцы і нават град. Тэмпература паветра ўначы +14..+20°С. А днём надвор'е будзе прыкметна адрознівацца для розных рэгіёнаў краіны. Так, па паўночным захадзе будуць камфортныя +25°С, а вось на паўднёвым усходзе слупок тэрмометра паднімецца да +35°С.
У аўторак, 20 жніўня, таксама будзе дажджліва і горача. У асобных раёнах Беларусі прагрымяць навальніцы, асабліва моцнымі ліўні будуць ноччу. Днём у асноўным будзе +21..+28°С. Толькі па паўднёвым усходзе краіны паветра прагрэецца да +29..+32°С.
Рана хаваць вашы цюбікі з SP — лепш вывучыце рэкамендацыі Еўрарадыё пра тое, як перанесці спякоту без стратаў для здароўя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.