Дэпартаваны з Польшчы беларус будзе вырашаць пытанне пра ўз'яднанне з сям'ёй

Дэпартаваны з Польшчы ў РБ беларус Дзмітрый Смактуновіч паразмаўляў з прапагандыстамі. Ён кажа, што праз пасольства будзе вырашаць пытанне пра ўз'яднанне з сям'ёй. У Польшчы ў яго засталіся жонка і трое дзяцей.

Пра дэпартацыю Смактуновіча стала вядома раніцай 12 чэрвеня. Аднак мужчына не захацеў ісці на беларускую тэрыторыю і пагражаў скокнуць з моста. У выніку на час, пакуль ішлі перамовы, пункт пропуску "Цярэспаль" быў перакрыты. Усё ж мужчына пайшоў у Беларусь.

Смактуновіч — ураджэнец Бабруйска, за мяжой жыў два гады, працаваў таксістам. З Літвы яго дэпартавалі ў Польшчу з-за ануляванага віду на жыхарства.

Раней беларускія памежнікі заявілі, што Дзмітрыю Смактуновічу ў Беларусі не пагражае крымінальная адказнасць. У сюжэце дзяржтэлебачання падкрэслілі, што ва ўладаў да яго сапраўды "няма прэтэнзій".