"Дома ператрус. Сем чалавек з аўтаматамі" — затрымалі бацьку Сашы Філіпенкі
Саша Філіпенка / Еврорадио
Дадому да бацькоў пісьменніка Сашы Філіпенкі прыйшлі сілавікі. Пра гэта ён паведаміў на сваёй старонцы ў Facebook.
"У мяне дома ператрус. Сем чалавек з аўтаматамі. Бацьку забралі. Маці сказалі: "Скажыце "дзякуй" сыну", — расказвае Філіпенка. Ён мяркуе, што такім чынам на яго хочуць аказаць ціск — прымусіць замаўчаць, каб ён перастаў выказвацца ў еўрапейскай прэсе.
Нагадаем, Саша Філіпенка — лаўрэат некалькіх літаратурных прэмій, аўтар шэрагу раманаў, у тым ліку "Красный крест", "Бывший сын" і "Кремулятор". Яго кнігі перакладзеныя на французскую, нямецкую, чэшскую, польскую, італьянскую, англійскую і іншыя мовы. Спектаклі паводле яго раманаў і п'ес ішлі ў тэатрах Расіі і Украіны.
