Дырэктара рагачоўскай школы звольнілі з працы за падабайкі
Аляксандр Лейкін / slova.by
У Рагачове пад рэпрэсіі трапіў вядомы ў горадзе кіраўнік адукацыі, піша праваабарончы сайт "Гомельская Вясна".
Дырэктара сярэдняй школы №4 Аляксандра Лейкіна звольнілі з працы. Сёння ў судзе Рагачоўскага раёна павінен адбыцца адміністрацыйны суд над ім. Судзіць яго павінна Аксана Гусева.
Лейкіна вінавацяць у "распаўсюдзе экстрэмізму". Нагодай, як звычайна бывае ў такіх выпадках, стал падабайкі ў сацсетках.
Лейкін узначальваў школу больш за дзесяць гадоў. Таксама ён вядомы ў горадзе як краязнаўца: мясцовая дзяржаўная газета неаднаразова друкавала яго краязнаўчыя матэрыялы пра гісторыю Рагачоўшчыны.
