Дзеці пераўтварылі замак 12 стагоддзя ў дошку гонару (ФОТАРЭПАРТАЖ)

25/05/2009 - 17:04

У вёсцы Свіслач Асіповіцкага раёна гістарычны помнік разбіраюць на цэглу, а іншыя унікальныя аб’екты таксама нікому не патрэбныя.

Спяшайцеся ў вёску Свіслач, калі хочаце паспець пабачыць маляўнічыя руіны тутэйшага замка (будаваўся ў 12-17 стагоддзях, першапачаткова быў драўляны).

Старадаўнюю цэглу ўнутры замка разбіраюць мясцовыя жыхары.

Выгляд з вакна Свіслацкага замка

Моладзь пераўтварыла сцены легендарнага замка ў сваю дошку гонару

Гэта рэшткі старадаўняга гарадзішча. Мясцовыя кажуць, што тут праводзіліся не адныя раскопкі. Але належным чынам гарадзішча ніхто не абазначыў.

Выгляд з пагорка, на якім стаіць Свіслацкі замак. Тут Свіслач упадае ў Беразіну.

Гэта знакаміты Кацярынінскі шлях 18 стагоддзя. Шчасце, што на гэты помнік славянскага дарогабудаўніцтва не хапіла асфальту за савецкім часам

Карціны на жалезнай браме. Творчасць мясцовых мастакоў

Мясцовая праваслаўная царква. У гэтым будынку раней месцілася лякарня

А вось так выглядае сучасная амбулаторыя Свіслачы. Даваенны будынак. Мясцовая доктарка, якая прыехала сюды па размеркаванні, у вялікай пашане і зарабляе, па словах мясцовых, больш за 800 тысяч рублёў

Будынак 19 стагоддзя. Цяпер тут знаходзіцца “Магазін”. Пячэнне да гарбаты і пачак зефіру – 4870 беларускіх рублёў

Дом культуры. Да прыходу ў Свіслач камуністаў тут быў касцёл

Помнік воінам, загінулым ў часы Другой сусветнай вайны

Фотаілюстрацыі зроблены мабільным тэлефонам.