Дзяржаўны кандыдат выкарыстаў для агітплаката перагорнуты сцяг (фота)
Кандытат у дэпутаты Гомельскага абласнога савета дэпутатаў па Любенскай выбарчай акрузе №12, пракурор Міхаіл Прус выкарыстаў на сваім агітацыйным плакаце нацыянальны беларускі арнамент і колеры сцяга: чырвоны і зялёны — у адпаведных прапорцыях. Аднак ці то па недаглядзе, ці то праз нейкую дызайнерскую задуму, вузкая зялёная палоска на плакаце знаходзіцца вышэй за шырокую чырвоную. Выява на плакаце пакідае ўражанне перагорнутага беларускага сцяга.
