Еўрасаюз уключыў у "чорны спіс" Аляксандра Лукашэнку і яшчэ 14 чыноўнікаў

Еўрасаюз пашырыў свой "чорны спіс" адносна Беларусі на 15 асобаў. У абноўлены спіс санкцыяў трапілі Аляксандр Лукашэнка і наступныя чыноўнікі: 

Віктар Лукашэнка — памочнік кіраўніка дзяржавы па нацыянальнай бяспецы;

Ігар Сергеенка — кіраўнік Адміністрацыі;

Іван Тэртэль — старшыня КДБ;

Раман Мельнік — начальнік Галоўнага ўпраўлення аховы правапарадку і прафілактыкі МУС;

Іван Наскевіч — старшыня Следчага камітэта;

Аляксей Волкаў — былы першы намеснік старшыні Следчага камітэта, цяпер старшыня Дзяржаўнага камітэта судовых экспертыз;

Сяргей Аземша — намеснік старшыні Следчага камітэта;

Андрэй Смаль — намеснік старшыні Следчага камітэта;

Андрэй Паўлючэнка — кіраўнік Аператыўна-аналітычнага цэнтра;

Ігар Бузоўскі — намеснік міністра інфармацыі;

Наталля Эйсмант — прэс-сакратар Лукашэнкі;

Сяргей Зубкоў — камандзір групы "Альфа" (спецназ);

Андрэй Раўкоў — былы дзяржсакратар Савета бяспекі;

Пётр Міклашэвіч — старшыня Канстытуцыйнага суда.

2 кастрычніка Еўрасаюз увёў санкцыі супраць 27 прадстаўнікоў беларускага кіраўніцтва. Гэтым людзям быў забаронены ўезд у краіны Еўрасаюза, іх актывы падлягалі замарозцы. 

Цяпер "чорны спіс" пашыраны. Гэтая мера тлумачыцца рэпрэсіямі і запалохваннем мірных дэманстрантаў пасля прэзідэнцкіх выбараў, арыштамі і жорсткім абыходжаннем з імі, уключаючы катаванне, а таксама запалохваннем журналістаў і гвалтам над імі. Таксама ЕС спасылаецца на парушэнне правядзення выбараў, невыкананне асноўных міжнародных стандартаў справядлівасці і празрыстасці выбараў, фальсіфікацыя вынікаў выбараў, адхіленне апазіцыйных кандыдатаў пад надуманымі падставамі, абмежаванні для назіральнікаў на выбарчых участках, перадузятае фармаванне выбарчых камісіяў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.