Фотафакт: Аляксандр і Мікалай Лукашэнкі сфатаграфаваліся з Баракам Абамам
![Фотафакт: Аляксандр і Мікалай Лукашэнкі сфатаграфаваліся з Баракам Абамам](/sites/default/files/styles/gallery_main/public/2023-08/000343_2b40a8850148f1848fda2d4ea64ac176.jpg.webp?itok=YinGvlkg)
Аляксандр Лукашэнка падчас знаходжання ў Нью-Ёрку на саміце ААН пабываў на прыёме ў амерыканскага прэзідэнта. На здымку, які з'явіўся на сайце кіраўніка Беларусі, можна пабачыць Аляксандра і Мікалая Лукашэнкаў, Барака Абаму і яго жонку Мішэль.
Дарэчы, з сям'ёй Абамаў фатаграфаваліся і іншыя кіраўнікі дзяржаваў, якія прыбылі на Генеральную Асамблею ААН. Так, у інтэрнэце ёсць фотаздымкі першай сям'і ЗША з сям'ёй прэм'ер-міністра Грэцыі Алексіса Цыпраса, прэзідэнтам Рэспублікі Косава Атыфетэ Ях'ягай, сям'ёй прэзідэнта Румыніі Клаўса Ёханіса.
Фота: president.gov.by