ФСБ падазрае ў падрывах цягнікоў на БАМе беларуса
![Затрыманы ў Расіі беларус](/sites/default/files/styles/gallery_main/public/2023-12/zat1.jpg.webp?itok=2KUzPE9o)
Затрыманы ў Расіі беларус / ria.ru
ФСБ падазрае ў падрывах цягнікоў на БАМе грамадзяніна Беларусі. Ён затрыманы на тэрыторыі Омскай вобласці і ўжо "даў прызнальныя паказанні". Беларусу 52 гады. Па версіі ФСБ, мужчына дзейнічаў па заданні іншага беларуса, які жыве ў Літве і "дзейнічае пад кантролем спецслужбаў Украіны". Затрыманы кажа, што забраў са схованкі восем выбуховых прылад (магнітных мін), прывёз іх на аўтамабілі ў Бурацію і заклаў на цыстэрнах грузавых цягнікоў.
Прычынай нядаўніх выбухаў у цягніках у Бураціі (РФ) лічылася дыверсія. Следчыя распачалі крымінальную справу па артыкуле "тэракт". 29 лістапада падчас праходжання грузавым цягніком з дызельным і авіяцыйным палівам Паўночнамуйскага чыгуначнага тунэлю на Байкала-Амурскай магістралі адбыўся выбух. Рух быў спынены. Калі грузавыя цягнікі пусцілі па абыходным участку, 30 лістапада выбух адбыўся і там. Рух таксама быў спынены.
Украінскія СМІ паведамлялі пра спецаперацыю СБУ, хаця афіцыйнага каментара ад украінскай спецслужбы не было. Менавіта па гэтай чыгунцы адбываліся пастаўкі боепрыпасаў, якія РФ атрымлівала ад КНДР і выкарыстоўвала на вайне ва Украіне.
ФСБ лічыць, што раскрыла тэракт.
У кастрычніку ФСБ затрымала беларуса па падазрэнні ў правядзенні тэракту ў акупаваным Крыме.
![ФСБ падазрае ў падрывах цягнікоў на БАМе беларуса](/sites/default/files/styles/default_image_paragraph/public/paragraphs/image/12345_4.jpg.webp?itok=Pwr2B9aa)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.