Футбалісты мінскага "Дынама" адправіліся ў Нарвегію
Раніцай 21 ліпеня сталічныя дынамаўцы чартарным рэйсам выляцелі ў Нарвегію. Як інфармуе сайт "Спорт Беларусь", 23 ліпеня там у іх адбудзецца зваротны паядынак другога адборачнага раўнда Лігі Еўропы з "Тромсе". Па прыбыцці ў Тромсе каманда размесціцца ў гатэлі "Radisson Blu Tromso". А ўвечары апробуе штучны газон стадыёна "Alfheim", на якім адбудзецца матч.
