Галоўчанка распавёў, колькі ў Беларусі засталося ветэранаў вайны
Прэм'ер-міністр Раман Галоўчанка распавёў, колькі ў Беларусі на сённяшні дзень засталося ветэранаў Вялікай Айчыннай вайны. Іх 2132. Непасрэдна ў баявых дзеяннях удзельнічалі 1166 чалавек.
"На жаль, ветэранаў усё менш і менш, — кажа Галоўчанка. — Самым маладым з іх ужо далёка за 90 [гадоў]... На жаль, яны ад нас сыходзяць. Разам з імі сыходзіць і жывая памяць".
У сераду прэм'ер паўдзельнічаў ва ўроку памяці ў гімназіі № 43 у Мінску. Ён таксама распавёў, што ў нашай краіне жывуць 8900 былых вязняў канцлагераў.
