Гандбалісты мінскага “Дынама” прайгралі “Чэхаўскім мядзведзям”

У трэцім матчы групавога этапу Лігі чэмпіёнаў гандбалісты мінскага “Дынама” саступілі расійскаму клубу “Чэхаўскія мядзведзі” — 27:34 (першы тайм — 18:18). Лёс сустрэчы быў перадвырашаны ў другой палове другога тайма: адрэзак з 45-й па 58-ю хвіліну гаспадары прайгралі з лікам 0:10.

Наступны матч “Дынама” правядзе 17 кастрычніка ў Даніі супраць “Ольбарга”, паведамляе БелаПАН.