Грузія прапануе Абхазіі поўны федэралізм і гарантуе мірнае развіццё

Прэзідэнт Грузіі Міхаіл Саакашвілі правёў нараду па вырашэнні абхазскай сітуацыі. Раней Саакашвілі прадставіў кабінету міністраў пакет новых ініцыятыў. Тбілісі прапануе Сухумі "неабмежаваную аўтаномію ў складзе адзінай грузінскай дзяржавы, поўны федэралізм, гарантыі бяспекі і мірнае развіццё."

Кіраўніцтва Грузіі прапануе шырокае прадстаўніцтва абхазскай аўтаноміі ў цэнтральных структурах у выглядзе віцэ-прэзідэнта, права вета на любыя змены ў Канстытуцыі і законах Грузіі, абарону мовы і культуры, і стварэнне свабоднай эканамічнай зоны.

Абазія скептычна ставіцца да прапановаў Саакаўвілі і кажа, што дыялог можа быць працягнуты толькі пасля таго, як Грузія вывядзе войскі з Кадорскай цясніны.

Эхо Москвы