Кадэты ваеннай акадэміі ЗША трапілі ў лякарню пасля бою падушкамі
Каля 30 кадэтаў з ваеннай акадэміі ЗША атрымалі сур’ёзныя пашкоджанні ў жартоўным баі падушкамі. Здарэнне адбылося ў штаце Нью-Йорк. Паводле замежных СМІ, пасля бойкі некаторыя з курсантаў страцілі прытомнасць, у іх былі скрываўленыя твары, вывіхнутыя плечы, а ў аднаго знайшліся нават пераломы рукі і рабра.
Траўмы атрымаліся з-за таго, што перад боем курсанты вырашылі пакласці ў падушкі цяжкія прадметы, каб з большай верагоднасцю збіць сапернікаў з ног.
Кіраўніцтва акадэміі ў мэтах бяспекі абавязала кадэтаў надзець шлемы, але замест гэтага некаторыя курсанты запхнулі каскі ў падушкі, каб біць імі праціўнікаў.
Лічыцца, што традыцыйны бой падушкамі дазваляе курсантам расслабіцца пасля напружаных летніх курсаў.
Фота з сацыяльных сетак
