Колькасць афіцыйных беспрацоўных у Мінску вырасла на 18-19%

З Новага года колькасць мінчукоў, якія зарэгістраваныя ў службах занятасці беспрацоўнымі, вырасла на 18-19%.
Пра гэта ў размове з Еўрарадыё паведаміў начальнік упраўлення занятасці пры Мінгарвыканкаме Чэслаў Роўба.

“Па стане на 27 лютага ў горадзе зарэгістравана 4,5 тысячы, а на першага студзеня было 3 795 чалавек”.

Як паведамлялася раней, сярод папулярных вакансій, якія прапаноўвае біржа працы, — трактарысты, банкіры, і ахоўнікі.