Колькасць загінулых пасля суботняй атакі расіян па Харкаву ўзрасла да 16 чалавек
Пажар у гіпермаркеце "Эпіцэнтр" 25 траўня / @synegubov
Колькасць ахвяр пасля нападу на гіпермаркет “Эпіцэнтр” у Харкаве 25 траўня павялічылася да 16 чалавек, паведаміў кіраўнік ОВА Алег Сінягубаў.
Паліцыя ўстанавіла асобы васьмі загінуўшых з дапамогай ДНК-экспертызы. Сярод іх аказалася 12-гадовая дзяўчынка, наведвальніца крамы, паведаміла Нацпаліцыя. Працэс ідэнтыфікацыі працягваецца.
У выніку інцыдэнту пацярпелі 44 чалавекі, у тым ліку 14 жанчын і 30 мужчын.
