Крыніца: Па справе аб нападзе на настаўніцу затрымлівалі дваіх
Паводле інфармацыі Еўрарадыё, Данат С., суд над якім пачаўся ў Мінску 13 лютага, стаў не адзіным, каго павезлі пасля здарэння ў гімназіі №74 у пастарунак: з ім быў яго аднакласнік — хлопцы разам чакалі ўрока фізкультуры і гулялі ў школьным двары.
Прэс-сакратар Следчага Камітэта Сяргей Кабаковіч кажа, што пацвердзіць ці абвергнуць гэтую інфармацыю цяпер магчымасці няма, бо справа перададзеная ў суд.
Нагадаем, Данат С. абвінавачваецца ў замаху на забойства. Яму пагражае да 12 гадоў турмы.
