Лукашэнка памарыў: 8-9 млн тон нафты — і мы б жылі лепш за самыя багатыя краіны
Пробы нафты на фоне вышкі / Ілюстрацыйнае фота
Аляксандр Лукашэнка ўспомніў савецкія часы, калі Беларусь, з ягоных слоў, здабывала звыш за 8 мільёнаў тон нафты, і выказаў шкадаванне, што рэспубліка выпампавала сваю нафту.
Гэта адбылося падчас сустрэчы з гендырэктарам "Беларуснафты" Аляксандрам Ляхавым, якая праходзіць сёння, 6 верасня.
"Можа, у нас нешта там і ёсць, нейкае мора (нафты), якое мы з вамі яшчэ не знайшлі. Гэта галоўная тэма сённяшняй гутаркі. Але калі б нам сёння 8-9 мільёнаў тон нафты, мы б жылі лепш, чым самыя багатыя краіны нашай планеты. Але, на жаль, такога няма", — сказаў Лукашэнка, чые словы прыводзіць БЕЛТА.
На перамовах з Уладзімірам Пуціным, што мусяць адбыцца 9 верасня, Лукашэнка можа падняць шэраг пытанняў у нафтавай сферы.
