Лукашэнка: Усё, што можам, мы гатовыя рабіць для нашых братоў таджыкаў

Аляксандр Лукашэнка прыбыў з візітам у сталіцу Таджыкістана Душанбэ. Там ён прыме ўдзел у пасяджэнні Савета калектыўнай бяспекі АДКБ.

Падчас сустрэчы з кіраўніком Таджыкістана Эмамалі Рахмонам Лукашэнка заявіў, што Беларусь гатовая дапамагаць гэтай краіне ў любую хвіліну.

Беларускі кіраўнік адзначыў вялікую працавітасць таджыкскага народа. Ён звярнуў увагу на тое, што тут, нягледзячы на ​​складаныя ўмовы земляробства, атрымліваюць два ўраджаі хлеба і амаль падышлі да таго, каб забяспечваць свае патрэбы.

Ён дадаў, што закрытых тэмаў у беларуска-таджыкскіх адносінах няма. "Мы гатовыя супрацоўнічаць па ўсіх напрамках, і ўсё, што мы можам, мы заўсёды гатовыя рабіць для нашых братоў таджыкаў", — перадае БЕЛТА словы Лукашэнкі.

Ён адзначыў, што Таджыкістан прыкладае вялікія намаганні, каб арганізаваць бяспеку ў рэгіёне. Па словах беларускага кіраўніка, гэтыя праблемы будуць абмяркоўвацца на будучым пасяджэнні Савета калектыўнай бяспекі АДКБ.

Эмамалі Рахмон, у сваю чаргу, заявіў, што ў Таджыкістане са шчырымі пачуццямі, сімпатыяй ставяцца да беларускага народа.

Фота: БЕЛТА