Лукашэнка вярнуў у Мінск з Гродна генерал-маёра Шандаровіча
![Лукашэнка вярнуў у Мінск з Гродна генерал-маёра Шандаровіча](/sites/default/files/styles/gallery_main/public/2023-08/83c450afbf6f024bafc608b80dc5d5a9.jpg.webp?itok=JIAidS2o)
Алег Шандаровіч прызначаны першым намеснікам старшыні Следчага камітэта Беларусі. Ён вызвалены ад пасады кіраўніка Упраўлення СК па Гродзенскай вобласці. Адпаведны ўказ падпісаў Аляксандр Лукашэнка, паведамляе БЕЛТА.
Шандаровіч — генерал-маёр юстыцыі. Ён быў прызначаны начальнікам Упраўлення СК па Гродзенскай вобласці ў ліпені 2018-га. Да таго часу ён працаваў у цэнтральным апараце Следчага камітэта на пасадзе начальніка галоўнага следчага ўпраўлення.
Новым начальнікам Упраўлення СК па Гродзенскай вобласці стаў Эдуард Маліноўскі. Раней ён быў начальнікам упраўлення аналізу і метадычнага забеспячэння папярэдняга расследавання цэнтральнага апарата СК.
Гэтыя змены адбыліся на фоне шэрагу заяваў былых супрацоўнікаў, што ў СК нібыта пашырыліся апазіцыйныя настроі. Пры гэтым не распачата ніводнай крымінальнай справы па шматлікіх фактах збіцця пратэстоўцаў сілавікамі.
![Лукашэнка вярнуў у Мінск з Гродна генерал-маёра Шандаровіча](/sites/default/files/paragraphs/image/contentmalinovskiyev.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.