Лукашэнка запрасіў у Беларусь дыктатара з М'янмы
Мін Аўн Хлайн / BBC / Getty Images
Аляксандр Лукашэнка запрасіў прэм'ер-міністра М'янмы Мін Аўн Хлайна наведаць Беларусь. Запрашэнне прагучала ў віншаванні з нагоды 25-годдзя дыпламатычных адносін паміж краінамі.
Лукашэнка адзначыў, што за гады супрацоўніцтва Беларусь і М'янма заклалі трывалую аснову для развіцця адносін у розных сферах і выказаў упэўненасць, што сумесныя намаганні дапамогуць рэалізаваць патэнцыял супрацоўніцтва. Ён таксама выказаў гатоўнасць сустрэць Мін Аўн Хлайна ў Беларусі для абмеркавання двухбаковага парадку дня і планаў на будучыню.
Прэм'ер М'янмы, у сваю чаргу, падкрэсліў умацаванне сувязяў паміж краінамі ў абароне, дыпламатыі і адукацыі, адзначыўшы важнасць далейшага супрацоўніцтва на міжнароднай арэне.
Мін Аўн Хлайн з 2011 года быў галоўнакамандуючым узброеных сіл М'янмы. Ён прыйшоў да ўлады ў выніку паспяховага ваеннага перавароту 1 лютага 2021 года, падчас якога быў зрынуты абраны ўрад.
