Лукашэнка звольніў старшыню Рэспубліканскага працоўнага арбітражу
Кіраўнік дзяржавы вызваліў 52-гадовага Алега Краўцова ад пасады ў сувязі з ліквідацыяй згаданага дзяржаўнага органа.
Адпаведны ўказ Лукашэнка падпісаў 28 чэрвеня, паведамляе БЕЛТА.
Нагадаем, кіраўнік Беларусі прызначыў Алега Краўцова (на здымку) старшынёй Рэспубліканскага працоўнага арбітражу ў красавіку 2012 года. Перад гэтым ён кіраваў Нацыянальным цэнтрам прававой інфармацыі (з 2006-га), быў намеснікам міністра юстыцыі (з 2003-га).
Рэспубліканскі працоўны арбітраж быў ліквідаваны ўказам Аляксандра Лукашэнкі ў красавіку 2013 года. Пры гэтым заяўлялася, што прававы інстытут працоўных арбітражаў, якія займаліся калектыўнымі працоўнымі спрэчкамі, будзе захаваны.
Фота — vdobrushe.by
