“Ляпис Трубецкой” сабраў у Брэсце поўную залу

Людзі прыходзілі на сярэдзіну канцэрта, пыталі квіток, але яго не было, хоць квіткі былі нятанныя, ад 40 тысячаў.

Брэст — гэта трэці горад еўрапейскага тура Ляпісаў з новым альбомам “Вясёлыя карцінкі”. “У Гродна прадалі тысячу квіткоў, — сказалі ў адміністрацыі гурта. — А ў Віцебску спадзяемся яшчэ больш, там зала на 4000 месцаў, і квіткі зрабілі таннейшымі”.

Пасля Віцебска будуць больш блізкія да Брэста Баранавічы (“бо меншыя гарады ў будні”). З 18 лютага гурт праедзе па 8 гарадах Украіны.

Прыём у Брэсце быў, адпаведна, ан-шлагавы. Асабліва запальвалі вершавыя і празаічныя інтэрлюдыі Сяргея Міхалка. Абыйшлося без надзвычайных здарэнняў. Пры гэтым на канцэрце прысутнічалі АМАПаўцы ў берэтах колеру на любы гурт, а ля будынку Палаца культуры прыгналі аўтазак — неад’емны атрыбут брэсцкіх канцэртаў.