Метрабудаўнікі пакінулі без вады жылы раён у Мінску
![Мінчукі засталіся без вады, ілюстрацыйнае фота](/sites/default/files/styles/gallery_main/public/2024-01/vada-3101.jpg.webp?itok=ehau3zgw)
Мінчукі засталіся без вады, ілюстрацыйнае фота / pixabay.com
У Мінску метрабудаўнікі падчас будаўніча-мантажных работ пашкодзілі трубаправод халоднага водазабеспячэння, паведамляе тг-канал Мінгарвыканкама.
Без вады засталіся жылыя і адміністрацыйныя дамы ў квартале вуліц Багдановіча-Кульман-Куйбышава-Сурганава.
Для жыхароў арганізавалі падвоз пітной вады ў аўтамабільных цыстэрнах.
Як распавядала Еўрарадыё, у гэтым жа раёне метрабудаўнікі пашкодзілі трубу ў сярэдзіне лістапада. Тады прарвала гарачы вадаправод. "Гейзер" з трубы дасягаў вышыні сяміпавярховага дома.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.