Мікалай Лукашэнка ў вайсковай форме падарыў пенсіянерам курэй і пеўня (фота)

Вучні Астрашыцка-Гарадоцкай сярэдняй школы наведалі Мінскі дом-інтэрнат для пенсіянераў і інвалідаў. Яны не толькі выступілі перад імі з канцэртнай праграмай (песнямі пра вайну, вершамі, маналогамі), але і прывезлі падарункі — дзясятак курэй і пеўня (з асабістай гаспадаркі Аляксандра Лукашэнкі).

На здымках БЕЛТА відаць, што частка вучняў, у тым ліку і Мікалай Лукашэнка, малодшы сын кіраўніка дзяржавы, былі ў вайсковай форме савецкага ўзору. Больш таго, у іх былі макеты аўтаматаў.