Мінабароны: Ніякай павышанай ваеннай актыўнасці ў Беларусі няма (відэа)

Такім чынам ён адказаў на паведамленні з відэа і фота пра актыўнае перамяшчэнні па тэрыторыі краіны вайсковых эшалонаў з узбраеннем і ваеннай тэхнікай. Яны рэгулярна з'яўляюцца апошнім часам у інтэрнэце на фоне баявых дзеянняў ва Украіне.

Па словах Макарава, у першыя месяцы гэтага года праводзілася праверка баявой гатоўнасці Узброеных сіл, і тады інтэнсіўнасць перамяшчэння тэхнікі, у тым ліку чыгуначным транспартам, была значна вышэйшая, чым цяпер. 

Ён кажа, што ўсе перамяшчэнні вайсковай тэхнікі па Беларусі ажыццяўляюцца ў адпаведнасці з Планам падрыхтоўкі Узброеных сіл на 2013/2014 навучальны год, які быў распрацаваны яшчэ ў канцы мінулага года. 

Акрамя таго, Макараў заявіў, што ніхто з Узброеных сілаў Беларусі не ўдзельнічаў і не ўдзельнічае ў ваенных дзеяннях на тэрыторыі іншых дзяржаў, перадае БелаПАН. Звесткі аб расійскіх вайсковых групоўках на тэрыторыі Беларусі палкоўнік назваў выдумкамі.