Мінчукі зладзілі дрыфтынг на заснежанай паркоўцы гіпермаркета
Заснежаны пасля цыклону "Даніэла" Мінск выклікаў зацікаўленасць у аматараў экстрыму. Як піша onliner.by, пасля снегападу аўтамабілісты накіраваліся на пустыя стаянкі гіпермаркетаў, каб адтачыць майстэрства зімовага кіравання.
Так, увечары 13 студзеня некалькі кіроўцаў заняліся дрыфтынгам на паркоўцы "Экспабела". Аўтар, які размясціў відэа ў інтэрнэце, кажа, што дрыфтараў не ведае, а пабачыў дзею выпадкова.
