Мінфін зноў прыпыніў ліцэнзію вядомага страхаўшчыка B&B Insurence

Міністэрства фінансаў зноў прыпыніла ліцэнзію страхавой кампаніі B&B Insurence Co з 11 снежня 2017 года па 10 красавіка 2018 года. Паводле інфармацыі Мінфіна, кампанія не выправіла выяўленыя ў ходзе кантрольных мерапрыемстваў парушэнні патрабаванняў заканадаўства аб страхаванні. “Бі энд Бі” мае праблемы з фармаваннем страхавых рэзерваў і не забяспечвае іх грашовымі сродкамі ў поўным аб’ёме.

У перыяд прыпынення дзеяння ліцэнзіі “Бі энд Бі Іншурэнс” мае права прымаць чарговыя часткі страхавых унёскаў і абавязана выконваць абавязацельствы па ажыццяўленні страхавых выплат па раней заключаных ім дзеючых дамовах страхавання, гаворыцца ў заяве Мінфіна.

Варта адзначыць, што рэгулятар ўжо не першы раз прыпыняе ліцэнзію гэтай страхавой кампаніі. У 2014 годзе Мінфін меў намер прыпыніць ліцэнзію з 15 красавіка па 14 лістапада. Аднак аднавіў яе ўжо 21 ліпеня, нагадвае TUT.by