МЗС Йемена спачувае Беларусі пасля расстрэлу беларусаў у Сане
Здарэнне адбылося ў аўторак раніцай у сталіцы Йемена. На выхадзе з гатэля там быў забіты адзін грамадзянін Беларусі, іншага цяжка паранілі.
Міністэрства замежных спраў Йемена выказала шчырыя спачуванні сваякам загінулага і пацярпелага, а таксама ўраду і народу нашай краіны, ды жадае хутчэйшага выздараўлення параненаму. МЗС абяцае, што вінаватыя ў нападзе на грамадзян Беларусі будуць злоўленыя і перададзеныя правасуддзю.
Як стала вядома, беларусы працавалі ў Йемене паводле "беларускага" кантракту ў адпаведнасці з міжнародным правам. Гэта было ўзгоднена з міністэрствам абароны Йемена. Як адзначае тэлеканал АНТ, у Йемене яны працавалі ў інтарэсах міністэрства абароны гэтай дзяржавы. У прыватнасці, у ахове прэзідэнта.
Дарэчы, адказнасць за акцыю ніхто на сябе пакуль не ўзяў.
