На 14 кастрычніка ў Беларусі абвешчаны аранжавы ўзровень небяспекі
Восень / Еўрарадыё
У пятніцу, 14 кастрычніка, у Беларусі чакаецца пераменная воблачнасць, паведамляе Белгідрамет.
Будзе пераважна без ападкаў. Уначы і зранку на большай частцы тэрыторыі краіны будзе туман. У сувязі з гэтым сіноптыкі абвясцілі аранжавы ўзровень небяспекі. Вецер уначы будзе няўстойлівы слабы, удзень паўднёвы слабы да ўмеранага.
Уначы ў многіх раёнах Беларусі прагназуюцца замаразкі 0..-4, месцамі будзе 1-5 цяпла. Удзень чакаецца 8-14 вышэй за нуль, па захадзе Беларусі будзе да +16.
