На 9 траўня ў Беларусі выдалі штармавое папярэджанне
Начныя замаразкі прагназуюць у Беларусі / pixabay.com
У аўторак, 9 траўня, у Беларусі чакаецца невялікая воблачнасць, без ападкаў, паведамляе Белгідрамет.
Вецер будзе пераменных кірункаў слабы да ўмеранага.
Уначы на большай частцы тэрыторыі краіны прагназуюцца замаразкі ад 0 да -5. У сувязі з гэтым сіноптыкі выдалі штармавое папярэджанне. Месцамі мінімальная тэмпература паветра дасягне +1...+4. Удзень тэрмометры пакажуць 11-18 цяпла.
