На будоўлі ў Мазыры абрынулася страла мантажнага крана (фота)
На шчасце, пацярпелых не было.
У суботу, 21 лютага, у Мазыры на Гомельшчыне адбылося надзвычайнае здарэнне. Каля 14.25 ратавальнікі атрымалі паведамленне, што на будаўнічай пляцоўцы абрынулася страла матажнага крана МГКС-100.
Як паведамляе прэс-служба ратавальнікаў, пацярпелых пры падзенні стралы няма. Прычына здарэння пакуль не вядомая. Адна з магчымых версій — памылковыя дзеянні абслуговага персаналу.
Месца падзення стралы ачапілі. Прычыны аварыі высвятляе камісія Мазырскай інспекцыі Гомельскага абласнога ўпраўлення Дзяржпрамнагляду.
Фота — mchs.gov.by