На фронце паранены ўкраінскі кінарэжысёр Алег Сянцоў
![Алег Сянцоў пасля ранення / https://www.facebook.com/oleg.sentsov/](/sites/default/files/styles/gallery_main/public/2023-08/AS222.jpg.webp?itok=ixKoq0dB)
Алег Сянцоў пасля ранення / https://www.facebook.com/oleg.sentsov/
На фронце паранены ўкраінскі кінарэжысёр Алег Сянцоў. Днямі ён быў узнагароджаны французскім ордэнам Ганаровага легіёна. Вярнуўся на фронт у Запарожскую вобласць і трапіў пад артылерыйскі абстрэл.
"Тыдзень не задаўся, — піша Сянцоў у Facebook. — На першым жа баявым выхадзе па вяртанні, падчас дэсантавання, трапілі пад артылерыйскі абстрэл. "Брэдлі" зноў выратаваў нам жыццё. Трое параненых, у асноўным абломкі. З твару ўжо выцягнулі, дробныя ў руцэ і назе застануцца са мной назаўжды. У нашых хлопцаў таксама ўсё добра — запарожскі лекары ведаюць сваю справу, дзякуй!".
Алегу Сянцову 13 ліпеня споўнілася 47 гадоў. Ён не толькі рэжысёр, але і пісьменнік, сцэнарыст. Пасля захопу расіянамі Крыму быў затрыманы як украінскі актывіст па падазрэнні ў "тэрарызме", у 2015-м асуджаны расійскім судом на 20 гадоў калоніі строгага рэжыму. Вінаватым сябе не прызнаў, трымаўся мужна. Вярнуўся ва Украіну ў верасні 2019-га ў выніку абмену. Ваюе на фронце за Украіну. Нядаўна стаў малодшым лейтэнантам. У пачатку ліпеня атрымаў кантузію.
![На фронце паранены ўкраінскі кінарэжысёр Алег Сянцоў](/sites/default/files/styles/default_image_paragraph/public/paragraphs/image/347591366_6494008844015930_2750578993993219012_n.jpg.webp?itok=7h8ujwaz)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.