На пажары ў Бабруйску сабака выратаваў дзяўчынку
![На пажары ў Бабруйску сабака выратаваў дзяўчынку](/sites/default/files/styles/gallery_main/public/2023-08/babrujsk-1806-4.jpg.webp?itok=Ne70MAdr)
Сабака выратаваў на пажары дзяўчынку. Здарэнне адбылося 15 чэрвеня ў Бабруйску.
Як паведамляе прэс-служба МНС, у 14.51 бабрускім ратавальнікам паступіла паведамленне пра пажар у інтэрнаце на Моладзевым бульвары.
Прыбыўшы на месца выкліку, ратавальнікі пабачылі дым, які ішоў з акна на першым паверсе. У інтэрнаце — 150 жылых блокаў, зарэгістравана ў ім 550 жыхароў.
На момант пажару ў блоку была дачка гаспадароў з сабакам. Жывёла адчула пах дыму і брэхам паведаміла дзяўчынцы пра небяспеку. Дзіцё выбегла на калідор і паклікала на дапамогу.
Агонь знішчыў халадзільнік, пашкодзіў маёмасць у памяшканні, падкапціў маёмасць у блоку. Пацярпелых пры здарэнні няма.
З другога паверху супрацоўнікі МНС па лесвічнай клетцы эвакуявалі 9 чалавек, у тым ліку дваіх дзяцей.
Меркаванай прычынай пажару называюць кароткае замыканне халадзільніка.